No gjev eg opp...
Her om dagen fekk eg med ein blindpasasjer saman med ein gjeng kuhliiål, for øvrig den største og feitaste kuhliiålen eg nokon gong har sett!!!! Vart berre ståande og måpe då eg såg på desse beista som likna meir på ein praktbotia enn kuhlii...
Nok om det! Etter mykje om og men fann eg omsider ut at det var snakk om ein goby som hadde snike seg med! Med friske fråspark og godt mot sette eg i gong med å leit etter bilete for å spesifisere denne artige vesle tassen! Derifrå og ut vart det utfor bakke! Eit søk på goby gav meg eigentleg berre ein peikepinn på kva for mengder med goby eg måtte leite gjnnom, og no er eg sår i augo og har problem med å sjå på denne krabaten i akvariet utan at den skiftar farge og form...
Får diverre ikkje tatt noko bilete av den sidan kameraet eg disponerar ikkje er godt nok til dette, så ei forklaring får halde (vonar eg)!
Ferskvassgoby er det i alle fall, det har eg konstatert!
Det er av den smale sorten som vandrar rundt på botnen og liknar veldig på ein slamkrypar. Hovudet er flatt og firkanta med ein tilsynelatande stor kjeft. Veit ikkje om den er fullvaksen, men den er på rundt 4cm. Forandrar fargen mellom gul-grå og grå-svart. Det fyrste eg la merke til er at den har raud ryggfinne! Denne er berre raud når den er sterk i fargane. Når den er ikledd gulgrått er det nesten umogeleg å skimte ein svak raudfarge.
Veit dette kanskje høyrest ut som å leite etter nåla i høystakken, men eg hadde sett stor pris på om nokon kunne hjelpe meg med dette "mysteriet".
Då er skattejakta i gang!
