Mai. 2010, skrev Holger:
Problemet med ein chat er som nokon seier at kunnskapen blir "flyktig", men det er ikkje det største problemet.
1) Dersom ein nybegynner går på chatten og spør om råd kan det vera eit troll der som gjev eit råd som er heilt på trynet - det vil ikkje vera nokon som kan "kvalitetssikre" eller dementere eit råd som er gjeve på chatten slik ein kan i forum.
2) Akvaforum er ein nettstad for folk i alle aldre. Både barn og vaksne er på AF, og det er ein fin ting. Det er få hobbyar som barn og vaksne kan dele såpass likeverdig som akvariehobbyen, men det gjev også eit spesielt ansvar i høve til mindreårige og den kontakten som skapast mellom vaksne og barn her. Ein chat er "skumlare" enn forumet i så måte.
3) Dei fleste av oss veit at temperaturen kan gå svært varm i diskusjonar i forum. Det er stor grunn til å tru at temperaturen ville koma til å bli minst like varm - om ikkje varmare i eit chatrom. Det kan forsure stemninga kraftig på AF - spesielt når evt konfliktar på chatten blir dratt inn i forum.
4) Pga det eg trekk fram i dei tidlegera punkta tyder det at chatten ville måtte overvåkast av ein op 24/7. Det har ganske enkelt ikkje moderatorane kapasitet til.
Eg ser sjølvsagt mange fordelar med ein chat også, det ville sikkert vera bra for AF og brukarane for det meste - men vi har ikkje råd til å at nokre av punkta slår inn - difor tar vi ikkje sjansen.
Det er lett for ein vanleg brukar å tenkje at "det hadde vært fint med en chat når jeg er innom et par timer annen hver dag", men for oss admins tyder det at vi må administrere dette heile døgnet kvar einaste dag, og sidan vi alle gjer dette på fritida vår, er det avgrensa kva kapasitet vi har til dette. Vi har i grunnen nok med forumet.
Eg vil likevel ikkje leggja diskusjonen heilt daud. De må gjerne koma med argument for chat også, men eg tvilar sterkt på at det vil bli ein realitet.
