Endeleg har eg oppgradert ein smule; frå min 40l til eit kar på 128l! YAY! (Stygt redd for at dei vert endå større med tida, men kjeringa er effektiv kur mot litersjuke...)
Hovudtanken var å omplassere ein liten gjeng med kuhlii som går saman med guppy og eplesniglar, altså ikkje heilt gunstige forhald for denne stakkaren! Etter å ha bygd litt på den tanken kom eg fram til at eg ville lage meg ein aldri så liten Asia biotop! Mykje stor fisk i Asia, så 128l begrensar seg fort...
Har i tillegg ein parotocinclus gåande i sama karet, denne treng betre plass og kompisar: ein liten immigrant med andre ord, men så lenge ikkje lommeboka strekk til er det betre å tenkje på fiskens ve og vel framfor å vera alt for firkanta på biotopen, i alle fall i fyrste omgang! Sidan parotocinclusen er glad i oksygenrikt vatn med god straum kom eg opp med tanken om å gjera dette til ein litt roleg elvebiotop og supplere med desse fiskane:
sewellia lineolataDanio FrankeiAlle desse er, etter kva eg har funne ut, relativt glad i godt straumande vatn! Sidan kuhliien lever på botn vil ikkje denne merke straumen like mykje som resten!
Sewelliaen vil gjerne ha stein, same som parotocinclus, og sidan kuhlii gjerne kunne tenkt seg gras av ein eller annan slag vil eg gjerne ha med dette og!
Planen var å lage ein slags elvebiotop der eg "byggjer opp" den eine sida av karet, fortrinnsvis i motsatt end av kor pumpa er, og har ein del stein der! I andre enden vil eg ha ein djupare og litt rolegare "kulp" for kuhlii og danio med litt meir planter! Har fin sand for hånden og nokre flotte steinar med masse små holrom, perfekt for kuhli(i alle fall i mine augo!:P)
Kunne gjerne tenkt meg litt feedback på denne ideen, og gjerne nokre forslag til Asiatiske planter som hadde passa inn! For å vera heilt ærleg er eg ikkje heilt sikker på korleis ei slik elv ville sett ut i verkelegheta heller...hehehe! Tek gjerne mot tips på den fronten og, medan eg googlar etter bilete! Kanskje nokon har tips om fleire typer fisk eg kunne nytta!?
